"Барселона" ҳимоячиси Жерар Пике клуб либосидаги 600-учрашувини ўтказди ва клуб тарихидаги энг тажрибали беш футболчидан бирига айланди. Пике бундан мамнун, аммо узоқ давом этган таназзулдан сўнг "Барса" яна кўтарила бошлаганидан яна-да хурсанд.
"Мен оптимистман. Барча қийинчиликлардан кейин биз курашга қайтдик ва ижобий динамика ҳамма нарсада сезилади. Биз бундан нафақат майдонда, балки майдон ташқарисида ҳам роҳатланамиз. 600 та ўйин - бу қизиқарли босқич, лекин мен фаолиятим давомида ишлаб чиққан траекторияни янада яхши кўраман. Мен бу футболка билан фахрланаман ва уни иложи борича узоқроқ кийишга умид қиламан", - деди Пике.
