Роналдино Лионель Мессини дунёнинг энг яхши футболчиси деб атади.

34 ёшли аргентиналик футболчи жорий мавсумдаги ўйини учун танқид остига олинди. «ПСЖ» «Реал» томонидан Чемпионлар лигасидан чиқариб юборилганидан сўнг, парижлик мухлислар Франция чемпионати ўйинида футболчини ҳақорат қилишди.

“Месси энг яхши дамларни бошдан кечирмаяпти, лекин унинг футбол учун қилган барча ишларидан кейин унга шубҳа қилиш мен учун қийин.

Ишончим комилки, у тез орада яна совринларни қўлга киритади ва бир кун келиб яна дунёнинг энг зўри деб топилади. Мен учун у ҳеч қачон энг яхши футболчи бўлишни тўхтатмади.

"Барселона" қийин кунларни бошидан кечирмоқда. Умид қиламанки, у тез орада аввалги ҳолатига қайтади, чунки бу мен жуда яхши кўрадиган клуб”, - ", - деди Роналдино.