"Реал" футболчилари "Барселона"га қарши Ла Лиганинг 29-тур учрашувига клубнинг 120 йиллигига бағишланган қора либосда майдонга тушади.
Майдон ўйинчилари қора рангли, дарвозабонлар эса пушти рангли формада бўлишади.
"Эл-Класико" 20 март куни "Сантяго Бернабеу"да бўлиб ўтади. Учрашув Тошкент вақти билан соат 01:00да бошланиши режалаштирилган.
Айни дамда "Реал" Испания чемпионатида 3-ўриндаги "Барселона"ни 15 очкога ортда қолдириб, пешқадамлик қилмоқда. Ушбу рақиблар ўртасидаги биринчи давра учрашуви "қаймоқранглилар"нинг ғалабаси (2:1) билан якунланганди.
