“Челси” ҳужумчиси Ромелу Лукаку фаолиятини Испания Ла Лигасида давом эттириши мумкин. Бу ҳақда инглиз нашрлари хабар бермоқда.
Манбага кўра, белгиялик футболчининг хизматларига Мадриднинг "Атлетико" клуби қизиқиш билдирмоқда. "Матрасчилар" Лукакуни ёзда клубни тарк этиши мумкин бўлган Луис Суареснинг ўрнига ўринбосар сифатида кўрмоқда.
Лукакуни қўлга киритиш учун даъвогарлар орасида яна бир испан жамоаси — "Барселона" бор. Каталонияликлар ҳам Ромелуни қўлга киритишга ҳаракат қилмоқда.
Таъкидланишича, Лукаку Лондонни тарк этишга қарши эмас. Бунга асосий сабаб сифатида футболчининг етарли ўйин амалиётига эга бўлмаётгани кўрсатилмоқда.
