“Chelsi” hujumchisi Romelu Lukaku faoliyatini Ispaniya La Ligasida davom ettirishi mumkin. Bu haqda ingliz nashrlari xabar bermoqda.

Manbaga ko‘ra, belgiyalik futbolchining xizmatlariga Madridning "Atletiko" klubi qiziqish bildirmoqda. "Matraschilar" Lukakuni yozda klubni tark etishi mumkin bo‘lgan Luis Suaresning o‘rniga o‘rinbosar sifatida ko‘rmoqda.

Lukakuni qo‘lga kiritish uchun da’vogarlar orasida yana bir ispan jamoasi — "Barselona" bor. Kataloniyaliklar ham Romeluni qo‘lga kiritishga harakat qilmoqda. 

Ta’kidlanishicha, Lukaku Londonni tark etishga qarshi emas. Bunga asosiy sabab sifatida futbolchining yetarli o‘yin amaliyotiga ega bo‘lmayotgani ko‘rsatilmoqda.