Қозоғистон Премьер-лигасининг 3-тури доирасидаги Костанайнинг “Тобол” жамоаси ўз майдонида Петропавловскнинг “Қизил-Жар” клубини қабул қилди.
Майдон эгалари ўз майдонида қийинчиликсиз ғалаба қозонди. Мезбонлар Зоран Тошичнинг хизматлари эвазига биринчи бўлимда ҳисобни очишди. Иккинчи бўлимда Асхат Тагибергеннинг пенальтидан киритган голи эвазига "Тобол" ҳисобдаги фарқни иккитага оширди - 2:0. Мазкур ҳисоб ўйин охиригача сақланиб қолди. Ғалабадан кейин “Тобол” ҳисобида етти очко бўлди. Легионеримиз Игорь Сергеев ушбу баҳсни асосий таркибда бошлаб, 79-дақиқада заҳирага олинди.
"Тобол" — "Қизил-Жар" - 2:0 (1:0)
Голлар: Тошич - 32 (1:0), Тагиберген - 73 (пенальти) (2:0)
