Qozog‘iston Premyer-ligasining 3-turi doirasidagi Kostanayning “Tobol” jamoasi o‘z maydonida Petropavlovskning “Qizil-Jar” klubini qabul qildi.
Maydon egalari o‘z maydonida qiyinchiliksiz g‘alaba qozondi. Mezbonlar Zoran Toshichning xizmatlari evaziga birinchi bo‘limda hisobni ochishdi. Ikkinchi bo‘limda Asxat Tagibergenning penaltidan kiritgan goli evaziga "Tobol" hisobdagi farqni ikkitaga oshirdi - 2:0. Mazkur hisob o‘yin oxirigacha saqlanib qoldi. G‘alabadan keyin “Tobol” hisobida yetti ochko bo‘ldi. Legionerimiz Igor Sergeev ushbu bahsni asosiy tarkibda boshlab, 79-daqiqada zahiraga olindi.
"Tobol" — "Qizil-Jar" - 2:0 (1:0)
Gollar: Toshich - 32 (1:0), Tagibergen - 73 (penalti) (2:0)
