“Барселона” ярим ҳимоячиси Педри журналистлар билан суҳбатда Каталония клуби жорий мавсум Европа лигасида ғолиб чиқишга умид билдирди.

Педрининг айтишича, у плей-оффнинг кейинги босқичида каталонияликлар ким билан тўқнаш келишини жуда қизиқтиргани учун қуръа ташлашни интиқлик билан кутмоқда. Испаниялик футболчи "Барселона" ўз футболини ўйнашини ва ундан завқ олишини таъкидлади. Ярим ҳимоячи “кўк-анорранглилар” Европа лигасида ғалаба қозона олишига умид қилишини қўшимча қилди.

Эслатиб ўтамиз, "Барселона" 1/8 финалда Туркиянинг "Галатасарой" жамоасини икки ўйин натижасига кўра 2:1 ҳисобида мағлуб этди.