«Порту» бош мураббийи Серхио Консейсау жамоанинг Европа лигасини тарк этиши ҳақида фикр билдирди. Биринчи учрашувда «аждарлар» ўз майдонида «Лион»га 0:1 ҳисобида имкониятни бой берган бўлса, жавоб ўйинида дуранг (1:1) қайд этилди.

- Учрашувни ким яхшироқ бошлаган бўлса, у керакли натижага эришди. Ўз уйимизда мағлуб бўлгандик, аммо бугун биз яхши ўйин кўрсатдик ва учрашувни қўшимча бўлимгача олиб боришимиз мумкин эди. Футболчиларни табриклайман. Биз бу ерда эмас, «Драгау»даги қарама-қаршиликда мағлуб бўлдик», - деди Консейсау УЕФА матбуот хизматига.