"Атлетико" ярим ҳимоячиси Коке "Манчестер Сити"га қарши бўлажак қарама-қаршилик ҳақида гапирди.

"Манчестер Сити"да ажойиб ўйинчилар бор, аммо биз қийинчиликни яхши кўрамиз. Қанчалик қийин бўлса, шунча яхши. Бу жуда қийин ўйин бўлади ва умид қиламизки, "Атлетико" ғалаба қозонади. Биз ҳамма нарсани таҳлил қилишимиз керак, аммо бундай ўйинларда ҳаммасини майда-чуйдалар ҳал қилади. Биз иккита деярли мукаммал ўйин ўтказишимиз керак.

Биз "Атлетико"миз, ҳеч кимга осонликча ғалаба қозонишига йўл қўймаймиз. Испаниянинг учта жамоаси бирданига ярим финалга чиқиши мумкин, бу футболимиз учун ажойиб бўларди", деди Коке.