Машҳур россиялик шарҳловчи Сергей Кривохарченко «Матч ТВ»ни тарк этишга қарор қилди. Бу ҳақда телеканал бош директори Александр Ташин маълум қилди. Бунга асосий сабаб сиёсий вазият бўлиши мумкин.
«Сергей Кривохарченко ҳақиқатан ҳам «Матч ТВ»ни тарк этишга қарор қилган. Охирида биз ўзаро илиқ суҳбатлашдик ва бу ажралиш вақтинчалик деб умид қиламан.
Биз Сергейни яна эфиримизда кутамиз!» – деб ёзади Ташин телеграмдаги каналида.
Маълумот учун, Сергей Кривохарченко «Матч ТВ»да 2015 йилнинг кузидан бери ишлаб келмоқда. Сергей бу даврда икки марта Чемпионлар лигаси финалини шарҳлаган.
