Англиянинг "Мидлсбро" клуби Англия кубоги доирасида «Челси» билан ўйиндан тушган маблағнинг бир қисмини Украинага ёрдам тариқаси юборишини маълум қилди.
"Мидлсбро ва Тиссайд аҳолиси номидан "Мидлсбро" футбол клуби Англия кубоги 6-раундида "Челси"га қарши ўйиндан тушган маблағнинг бир қисмини Украинага инсонпарварлик ёрдам сифатида ўтказади. Клуб бошқаруви аъзоси Энди МакДоналд бу қарорнинг бажарилишини назорат қилади", - дейилади клуб баёнотида.
Эслатиб ўтамиз, аввалроқ "Челси" "Мидлсбро"га қарши ўйинни бўш стадионда ўтказишни сўраган эди, чунки санкциялар туфайли ўз мухлисларига чипта сота олмайди. Бироқ, "Мидлсбро" бу сўровни рад этганди.
