"Бавария" ҳужумчиси Роберт Левандовски Германия чемпионатининг 27-тури доирасидаги "Унион"га қарши ўйинда гол урди.

Польяк учун ушбу гол Бундеслиганинг жорий мавсумидаги 30-гол бўлди. Бу Левандовскининг Бундеслигадаги 30+ гол урган 5-мавсуми ва у афсонавий ҳужумчи Герд Мюллернинг рекордини такрорлади.

Эътиборлиси, Бундеслигада бошқа ҳеч бир футболчи бир мартадан ортиқ 30 тадан кўп гол уришга муваффақ бўлмаган.

Жорий мавсумда 33 ёшли ҳужумчи барча мусобақаларни инобатга олган ҳолда клуб миқёсида ўзининг 37-ўйинини ўтказмоқда ва шу вақт ичида у 45 та гол урди.