«Челси» ярим ҳимоячиси Мейсон Маунт «Мидлсбро»га қарши бўлиб ўтган ўйин ҳақидаги таассуротлари билан ўртоқлашди.

«Мидлсбро» ақл бовар қилмайдиган тезликда ўйнади, яқинда улар кубокда кимни мағлуб этганини эслайсиз, шунинг учун бу ўйин осон бўлмаслигини билардик.

Бугун бизда мухлислар кўп эмас эди, лекин мен футболимиз ўз сўзини айтишга имкон бергандек ҳис қилдим. Бизда яхши ҳужумлар уюштирилди ва бу бизнинг асосий мақсадимиз эди», - деди Маунт.

Шунингдек, у Англия кубогида ғалаба қозонишга қарор қилганини қўшимча қилди.

«Челси» «Мидлсбро»ни 2:0 ҳисобида мағлуб этиб, ярим финалга йўл олди.