«Рома» бош мураббийи Жозе Моуриньо журналистларга бугун "Рим дербиси"ни интиқлик билан кутаётганини айтди.
"Дербининг ажойиб томони шундаки, ким мезбон, ким меҳмон жамоа эканлигини айта олмайсиз. Мухлисларсиз дерби - дерби эмас», - деди «Рома» устози.
"Рома" мухлисларининг мени ҳайратга солган нарсаси шуки, мен бу ерга келишимдан олдин ҳам уларнинг содиқлигини билардим. Одатда меҳр қозониш учун меҳнат қилиш керак, лекин улар ҳеч нарса ҳисобга олмасдан менга юракларини очишди», деди Моуриньо.
Бугун дербида қайси «Рома»ни кўришни ҳоҳлайсиз, деган саволга Моуриньо «Ғалаба қозонадиган!» - деб жавоб қайтарди.
