Лондоннинг «Тоттенхэм» клуби бош мураббийи Антонио Конте жамоа ҳужумчиси Деян Кулушевскининг иқтидори ҳақида фикр билдирди.
«Кулушевски жуда ёш, эндигина 21 ёшда. Шунга қарамай терма жамоада ўйнаш борасида катта тажрибага эга.
«Ювентус»да ўйнаб, босим остида яшаш нимани англатишини тушунасиз. Мен унинг иродасини, ўйнаш истагини кўраман. Менинг фикримча, у мен мураббийлик қилган энг яхши ўйинчи бўлиши мумкин бўлган футболчини ифодалайди.
Деян шундай ўйнашда давом этиши керак. Охирги бир ярим ой ичида у жисмонан, тактик ва руҳий жиҳатдан яхшиланди», - дея Контенинг сўзларидан иқтибос келтирмоқда Sky Sports.
