"ПСЖ" бош мураббийи Маурисио Почеттино Париж клубидаги келгуси режалари ҳақида гапирди.
Парижликлар Чемпионлар лигасининг 1/8 финал босқичида «Реал»га имкониятни бой бериб, мусобақани тарк этишди.
“Биз табиатан жанг қилишга тайёрмиз, бу биз учун ҳаяжонли синов. Яна Чемпионлар лигаси ғолиблиги учун асосий даъвогарлардан бири бўлиш - бу ажойиб.
"ПСЖ"га ўз мақсадларига эришиш учун курашиш имкониятини бериш ҳар доим катта чақирув ҳисобланади. Ҳа, биз буни қила олишимизни ҳис қиламиз.
Ишнинг энг яхши формуласини топиш, лойиҳанинг келажагини, ғояларини аниқлаш мақсадида клуб раҳбарияти билан учрашиб, фикр алмашамиз.
Ҳаммасини мавсум охирида аниқлаймиз. Кўрамиз, клубда қоламанми? Қарорни клуб раҳбарияти қабул қилади», — деди Почеттино ESPN билан суҳбатда.
