Турнинг энг қизиқарли учрашувларидан бири Мадридда, "Висенте Кальдерон" ўйингоҳида бўлиб ўтди. Иккинчи даврани кўтаринки рухда ўтказаётган, ўтган турда "Валенсия"ни ўз майдонида "ер тишлатган" "Эспаньол" "Атлетико" имтиҳонидан ўтиши керак эди.
Эътиборлиси мазкур учрашувгача ҳар иккала жамоа ҳам бир хил очко тўплаган ва 6-7 ўринларни ўзаро бўлиши турган эди.
Бугунги учрашувда катта устунликка эришган мадридликлар "Эспаньол"ни жуда чиройли тарзда мағлуб этишди ва турнир жадвалининг 6-чи ўринига жойлашди. Арда Туроннинг дубли ва Диего Годиннинг голи "Атлетико"га жуда муҳим ғалабани келтирди.
Аммо ушбy учрашув якунига етган майдонга чиққан Бильбаонинг "Атлетик" клуби ҳам сафарда "Расинг" устидан минимал ҳисобда ғалаба қозониб, "Атлетико"ни 6-ўриндан тушириб юборди.
Иккала жамоа ҳисобида ҳам айни дамда 48 очко бор. Фақат тўплар нисбатига кўра Бильбаоликлар бир поғона юқорига жойлашганлaр. Улар ўз ҳисобида 49 очкога эга бўлган ва 5-ўринда бораётган "Леванте"ни қувишда давом этмоқдалар.
3-ўрин учун курашда фаворит сифатида эътироф этилаётган "Валенсия" ҳамда "Малага" жамоалари бу турда ҳали майдонга тушишга улгуришгани йўқ.
"Валенсия" бугун тунда ўз майдонида "Бетис"ни қабул қилса, "Малага" "Осасуна" уйига сафар уюштиради.
Испания премьеросида бугун қайд этилган натижалар қуйидагича:
Атлетико (Мадрид) - Эспаньол 3:1
Голлар: Годин, 9, Арда Турон, 59, 61 – Вила, 19
Атлетико: Куртуа, Хуанфран, Годин, Домингес, Филипе Луис, Тьягу, Габи (Марио Суарес, 46), Сальвио, Диего (Адриан, 73), Арда Туран (Коке, 80), Фалькао
Эспаньол: Кристиан Альварес, Хави Лопес, Рауль Родригес, Эктор Морено, Дидак Вила, Баена (Альваро Васкес, 71), Ромарик (Кристиан Гомес, 46), Серхио Гарсия, Верду, Коутиньо, Калу Уче (Пандиани, 82)
Огоҳлантиришлар: Габи, Фалькао, Годин – Эктор Морено
Расинг - Атлетик (Бильбао) 0:1
Гол: Токеро 12
Реал Сосьедад - Виллареал 1:1
Голлар: Вела, 86 – Сенна, 42
Гранада - Хетафе 1:0
Гол: Хара 18
