"Милан"нинг очко йўқотишидан туринликлар жуда ўринли фойдаландилар ва "Рома"га қарши ўйинда ғалаба қозониб, турнир жадвалида якка пешқадами бўлиб олдилар. Муросасиз кечиши кутилган баҳснинг дастлабки ўн дақиқасидаёқ Артуро Видаль дублга эришиб, мувозанатни мезбонлар фойдасига оғдирди. 26-дақиқада эса римликлар дарвозабони Стекеленбург қўполлиги учун майдондан четлатилди ва ёғига ушбу ўйин ғолиби ҳақида саволга узил кесил жавоб олинди. 

"Ювентус" кейинги дақиқаларни ҳам хоиржам ва ишончли ўтказиб, йирик ҳисобда ғалаба қозонди. Айтиш мумкинки, бу ўйин "Ювентус" учун мавсумдаги энг сўнгги қийин ўйин саналаётганди. Сабаби, Конте шогирдлари қолган беш рақиби турнир жалдвалидаги охирги олти ўринни эгаллаб турган жамоалар - "Новара", "Чезена", "Лечче","Кальяри" ва "Аталанта" жамоларидир. Тўғри, лигада қолиш учун курашаётган бу жамоалар "Юве"га қарши ўйинда қўшимча интрига олиб киришлари ҳам эҳтимол, аммо мавсумни мағлубиятсиз ўтказаётган жамоа узоқ танаффусдан сўнг яқин келган чемпионликни бериб қўймаса керак. 

"Милан"ни эса, ҳали "Интер"га қарши дерби ҳам кутиб турибди. 

 ЮВЕНТУС - РОМА 4:0
Гол: Видаль (4, 8), Пирло (29), Маркизио (53).
Ювентус:  Буффон, Бардзальи, Бонуччи, Кьеллини, Видаль (Джаккерини, 67), Маркизио, Лихтштайнер, Пирло, де Челье, Куальярелла (Дель Пьеро, 61), Вучинич (Боррьелло, 57).
Рома: Стекеленбург, Рози, Де Росси, Кьер, Хосе Анхель, Гаго, Перротта, Маркиньо, Пьянич (Ламела, 61), Освальдо (Боян, 57), Борини (Курчи, 28).
Огоҳлантиришлар: Куальярелла (32), Боян (85).
Четлатиш: Стекеленбург (26).