«Ювентус» ҳимоячиси Данило жамоасининг А Сериянинг 30-турида «Салернитана» устидан қозонилган ғалаба (2:0) ҳақида фикр билдирди.
«Бугун биз ўзимизнинг энг яхши ўйинимизни ўтказмадик, аммо ғалаба қозондик. "Виляьрреал"га қарши ўйиндан сўнг биз жисмонан ва руҳий томондан толиққан эдик. Таркибимиздаги кўп футболчиларда жароҳатлар бор эди, Локателли эса коронавирус юқтириб олганди. Мавсумнинг ҳал қилувчи босқичида баъзи футболчиларимизни тикланишига умид қиламиз. Мен мураббийнинг сўраган барча кўрсатмаларини бажаришга тайёрман. Мен бугунги ғалабадан, биз кетаётган йўлдан мамнунман», - деди Данило DAZN билан суҳбатда.
