«ПСЖ» бош мураббийи Маурисио Почеттино Франция чемпионатининг 29-тури доирасида «Монако» жамоасига (0:3) қарши бўлиб ўтган ўйин ҳақидаги фикрларини билдирди.
«Бундай мағлубиятни қабул қилиб бўлмайди. Ўйинни бундай бошлаб бўлмайди. Бугун кўрсатган ўйинимиз учун уялишимиз керак. Биз буларнинг барчасини бекор қилишимиз ва Чемпионлар лигасидаги умидсизликни унутиб, чемпионлик учун қўлимиздан келганини қилишимиз керак. "Монако"га қарши ўйнаш учун бизда руҳият йўқ эди. Бизнинг биринчи бўлим кўрсатган ўйинимизни шунчаки қабул қилиб бўлмасди", - деди Почеттино ТМW билан суҳбатда.
