Испаниянинг "Marca" нашри «Реал» ва «Барселона» клублари ўртасидаги ўйин (0:4) учун футболчиларга баҳо қўйди.
Мадридликларнинг 8 ўйинчиси – Даниэль Карвахаль, Эдер Милитао, Давид Алаба, Начо, Каземиро, Тони Кроос, Мариано Диас, Родриго кечаги ўйиндаги ҳаракатлари баҳоланмади. Нашр бағо ўрнига чизиқча қўйди.
«Реал» футболчилари орасида энг юқори баҳони Тибо Куртуа олди – икки юлдузча. Эдуардо Камавинга, Лука Модрич, Лукас Васкес, Федерико Вальверде, Марко Асенсио ва Винисиус Жуниор битта юлдузчадан олишди.
«Барселона» ўйинчилари — Эрик Гарсия, Сержи Бускетс, Френки де Йонг, Педри ва Пьер-Эмерик Обамеянг энг юқори баҳога лойиқ топилди – 3 юлдуздан.
Марк-Андре тер Стеген, Рональд Араухо, Жерар Пике, Жорди Альба, Усман Дембеле ва Ферран Торрес икки юлдуз, Гави ва Мемфис Депай – бир юлдуз билан баҳоланишди.
"Marca" Карло Анчелоттига бир, Хави уч юлдуз қўйди.
