Англиянинг “Ньюкасл” ва “Арсенал” клублари “Наполи” ҳужумчиси Виктор Осимхенга қизиқиш билдирмоқда.
La Gazette Dello Sport хабарига кўра, "Ньюкасл" раҳбарлари ёзда ушбу трансферни амалга оширмоқчи. Бу клубнинг нигериялик футболчини қўлга киритишга иккинчи уриниши бўлади.
Бундан ташқари, Осимхенга "Арсенал" ҳам қизиқиш билдирган. Лондонликлар Душан Влаховични харид қила олмаганидан сўнг, Викторни ўз сафига қўшиб олишни режалаштирган.
Манбанинг хабарига кўра, неаполликлар ҳужумчини сотиш ҳақида ўйламаяпти. Бироқ клуб президенти Аурелио Де Лаурентис футболчи учун 100 миллион евролик таклифларни кўриб чиқади.
