Мадриднинг «Реал» клуби «Лестер» ярим ҳимоячиси Жеймс Мэддисонга қизиқиш билдирмоқда.
Мадрид гранди президенти Флорентино Перес англиялик футболчини Лука Модричга ажойиб ўринбосар деб ҳисоблайди.
25 ёшли ҳужумкор ярим ҳимоячининг «Лестер» билан шартномаси икки йилдан кейин тугайди. «Тулкилар» ўз футболчиси учун тахминан 80 миллион евро сўрамоқчи, бу эса эҳтимолий келишувни жиддий равишда мураккаблаштириши мумкин.
Жеймс Мэддисон жорий мавсум Премьер-лиганинг 26 ўйинида 8 та гол ва 3 та голли узатмани амалга оширди.
