АS журналистлари қизиқарли ҳолатни очиб беришди. Кузатишларга кўра, "Реал Мадрид" мавсумда "Сантьяго Бернабеу"да "Барселона"га ютқзган бўлса, ҳар сафар Чемпионлар лигасида ғалаба қозонган.
Бу 2013/14 йилги мавсумда бошланган, ўшанда "кўк-анорранглилар" "Реал"ни 4:3 ҳисобида мағлуб этган эди. 2015/16 йилги мавсумда 0:4, 2016/17 йилги мавсумда 2:3 ҳисоби қайд этилган бўлса, 2017/18 йилги мавсумда "Барселона" Мадридда 3:0 ҳисобида ғалаба қозонган.
20 март куни Испания чемпионатининг 2021/22 йилги мавсуми 29-турида "Реал" ўз майдонида "кўк-анорранглилар"га имкониятни бой берди – 0:4. Чемпионлар лигасининг 1/4 финалида "Челси" билан ўйнайди. Биринчи ўйин 6 апрель куни бўлиб ўтади.
