"Челси" ярим ҳимоячиси Жоржиньонинг агенти Жоау Сантос футболчи Италия чемпионатига қайтишни орзу қилишини айтди.

"Жоржиньо А Серияга қайтиши мумкин. Унинг учун Италия чемпионатида ўйнаш орзу. Унинг юраги Италияда”, - дея Сантос сўзларидан иқтибос келтирган журналист Николо Скира.

Маълумот учун, футболчи 2018 йил июл ойида “Наполи”дан “Челси”га ўтган эди. Жорий мавсумда 30 ёшли италиялик ярим ҳимоячи лондонликлар сафида 38 та учрашувда 9 та гол урди ва 3 та голли узатмани амалга оширди.

Жоржиньонинг клуб билан шартномаси 2023 йилнинг июнь ойи охиригача амал қилади.