"Chelsi" yarim himoyachisi Jorginyoning agenti Joau Santos futbolchi Italiya chempionatiga qaytishni orzu qilishini aytdi.

"Jorjinyo A Seriyaga qaytishi mumkin. Uning uchun Italiya chempionatida o‘ynash orzu. Uning yuragi Italiyada”, - deya Santos so‘zlaridan iqtibos keltirgan jurnalist Nikolo Skira.

Ma’lumot uchun, futbolchi 2018 yil iyul oyida “Napoli”dan “Chelsi”ga o‘tgan edi. Joriy mavsumda 30 yoshli italiyalik yarim himoyachi londonliklar safida 38 ta uchrashuvda 9 ta gol urdi va 3 ta golli uzatmani amalga oshirdi.

Jorjinyoning klub bilan shartnomasi 2023 yilning iyun oyi oxirigacha amal qiladi.