"Шальке" футболчилари Жермейн Жонс ва Клас-Ян Хунтелар Германия чемпионати 32-турида "Аугсбург" билан ўйин (1:1) олдидан ўтказилган машғулотда жанжаллашиб қолдилар, дея хабар беради АР.
Агентликнинг хабар беришича, Хунтелар ва Жонс жамоадошлари ажратиб қўйгунларига қадар биттадан мушт алмашганлар. Гельзенкирхенликлар бош мураббийи Хуб Стевенс жазо тариқасида бу футболчиларни машғулот майдони атрофида ошиқча бир неча доира югуртирди.
"Шальке" директори Хорст Хельдт воқеани шарҳлар экан, клубда "ҳаммаси жойида" эканлигини айтди.













