"Вест Хэм" ярим ҳимоячиси Деклан Райсни сотиш имкониятини кўриб чиқишга тайёр. Аммо Лондон клуби футболчи учун 150 миллион фунт талаб қилмоқда, дея хабар беради Sky Sports.
Агар бирор клуб билан келишув якунланса, бу трансфер Англия тарихидаги рекордга айланади. Ҳозирги рекорд Жек Грилишга тегишли. Уни "Манчестер Сити" 100 миллион фунтга "Астон Вилла"дан сотиб олган.
Эслатиб ўтамиз, 23 ёшли Райснинг "болғачилар" билан шартномаси 2024 йилнинг ёзига қадар мўлжалланган. Клубда шартномани яна бир йилга узайтириш имконияти бор.
Ярим ҳимоячи жорий мавсумда “Вест Хэм” сафида барча турнирларда 38 та ўйинда майдонга тушди. Унинг ҳисобида 4 та гол ва 4 та голли узатма бор.
