"Vest Xem" yarim himoyachisi Deklan Raysni sotish imkoniyatini ko‘rib chiqishga tayyor. Ammo London klubi futbolchi uchun 150 million funt talab qilmoqda, deya xabar beradi Sky Sports.

Agar biror klub bilan kelishuv yakunlansa, bu transfer Angliya tarixidagi rekordga aylanadi. Hozirgi rekord Jek Grilishga tegishli. Uni "Manchester Siti" 100 million funtga "Aston Villa"dan sotib olgan.

Eslatib o‘tamiz, 23 yoshli Raysning "bolg‘achilar" bilan shartnomasi 2024 yilning yoziga qadar mo‘ljallangan. Klubda shartnomani yana bir yilga uzaytirish imkoniyati bor.

Yarim himoyachi joriy mavsumda “Vest Xem” safida barcha turnirlarda 38 ta o‘yinda maydonga tushdi. Uning hisobida 4 ta gol va 4 ta golli uzatma bor.