Хабарингиз бор, Ўзбекистон ўсмирлар терма жамоаси (U16) май ойининг сўнгги кунлари Озарбойжонда бошланадиган анъанавий “Каспий кубоги” мусобақасида иштирок этади. Қуръага кўра, Дилшод Нуралиев жамоаси “В” гуруҳида Япония, Туркия ва Грузия ўсмирлар терма жамоалари билан куч синашадилар.

Ўйинлар Боку шаҳридаги «АЗАЛ Арена» ва “Далга Арена” стадионларида бўлиб ўтади. Озарбойжон футбол федерациялари ассоциацияси (ОФФА) мусобақанинг тақвимини эълон қилди. Унга кўра, Ўзбекистон терма жамоаси мусобақани (30 май куни) Японияга қарши ўйин билан бошласа, эртаси куни “нуралиевчилар” Туркияни синовдан ўтказишади. Жамоалар 1 кун танаффус қилишганидан кейин Ўзбекистон гуруҳнинг сўнгги учрашувини Грузияга қарши ўтказади. 4 июнь куни эса мусобақанинг ҳал қилувчи баҳслари бўлиб ўтади. Унда жамоалар гуруҳда эгаллаган ўринларига қараб, финал, 3-ўрин учун, 5-ўрин учун ва 7-ўрин учун баҳсларда майдонга тушадилар.

Мусобақа тақвими қуйидагича:

“А” гуруҳи: Озарбойжон, Қирғизистон, Қозоғистон, Туркманистон.
“В” гуруҳи: Япония, Туркия, Грузия, Ўзбекистон.
 
30 май
11:00. Қирғизистон – Қозоғистон. «АЗАЛ Арена»
11:00. Туркия – Грузия. «Далга Арена»
16:30. Церемония открытия. «Далга Арена»
17:00. Озарбойжон – Туркманистон. «Далга Арена»
19:30. Япония– Ўзбекистон. «Далга Арена»
 
31 май
11:00. Ўзбекистон – Туркия. «АЗАЛ Арена»
11:00. Япония – Грузия. «Далга Арена»
17:00. Туркманистон – Қирғизистон. «Далга Арена»
19:30. Қозоғистон – Озарбойжон. «Далга Арена»
 
2 июнь
11:00. Қозоғистон – Туркманистон. «АЗАЛ Арена»
11:00. Грузия – Ўзбекистон. «Далга Арена»
17:00. Япония – Туркия. «Далга Арена»
19:30. Озарбойжон – Қирғизистон. «Далга Арена»
 
4 июнь
11:00. 7-ўрин учун. «АЗАЛ Арена»
11:00. 5- ўрин учун. «Далга Арена»
17:00. 3- ўрин учун. «Далга Арена»
19:30. Финал
21:15. Мусобақанинг ёпилиш маросими