Ярим ҳимоячи Марцело Брозович «Интер» билан шартномани узайтириш қарори ҳақида гапирди. «Нерадзуррилар» ва футболчи ўртасидаги янги шартнома 2026 йилнинг ёзига қадар мўлжалланган.
«Клубга ишонч учун чин дилдан миннатдорчилик билдираман. Мен ҳақиқатан ҳам бахтли эканлигимни таъкидламоқчиман.
Ҳар доим агентларимга бошқа жамоалар билан музокара олиб боришни истамаслигимни айтганман. Агар клуб раҳбарияти мен билан шартномани узайтиришни истамаслигини билдирса, кетишим мумкин бўлган ягона вариант бўлади», - дея Брозовичнинг сўзларидан иқтибос келтирган «нерадзуррилар» матбуот хизмати.
