«Арсенал» ярим ҳимоячиси Мартин Эдегор Дортмунднинг «Боруссия» клуби ҳужумчиси Эрлинг Холанд билан «Реал» ҳақида гаплашганини айтди.
«Биз ажойиб дўстлармиз, шунинг учун иккимиз кўп нарса ҳақида гаплашамиз. Ҳа, биз «Реал» ҳақида гаплашдик, аммо бунда алоҳида ҳеч нарса йўқ», - дея Эдегорнинг сўзларини келтиради Football London.
Аввалроқ, Холанд фаолиятини Мадрид клубида давом эттириши мумкинлиги, трансфер ёзда амалга оширилиши мумкинлиги хабар қилинганди. Трансфермаркт маълумотларига кўра, 21 ёшли норвегиялик футболчининг нархи 150 миллион еврога баҳоланмоқда.
