Португалия терма жамоаси бош мураббийи Фернанду Сантуш ҳужумчи Криштиану Роналдунинг Туркия терма жамоаси билан ЖЧ-2022 плей-офф турнири ярим финал учрашувидаги (3:1) ўйинига изоҳ берди.
"Роналду ҳар доим голларга қараб баҳоланмайди. У Туркияга гол ура олмади, аммо ажойиб ўйин ўтказди. Криштиану жамоани боғлади, қаттиқ меҳнат қилди, босим ўтказди. Роналду ўз имкониятларини голга айлантира олмади, лекин у жамоадошлари учун жуда кўп имкониятлар яратди ва буни нишонлаш керак", деди Сантуш.
Плей-офф финалида Португалия бошқа ярим финалда Италияни 1:0 ҳисобида мағлуб этган Шимолий Македония билан куч синашади.
