Бразилиялик собиқ футболчи Ривалдо "Барселона"нинг жорий мавсумдаги Хави қўл остидаги истиқболлари ҳақида гапирди.

Ривалдонинг сўзларига кўра, Хави бошқа мураббийлар қўл остида ўртачадан паст ўйин кўрсатган футболчилардан максимал даражада фойдалана олади. Бразилиялик футболчи агар Каталония жамоаси худди шу руҳда ўйин кўрсатишда давом этса, бу мавсумда бирор соврин ютиши мумкинлигини таъкидлади.

Эслатиб ўтамиз, айни дамда Хави қўл остидаги "кўк анорранглилар" миллий чемпионатда учинчи поғонани банд этиб турибди. Европа лигасида эса жамоа чорак финалга чиқди.