Braziliyalik sobiq futbolchi Rivaldo "Barselona"ning joriy mavsumdagi Xavi qo‘l ostidagi istiqbollari haqida gapirdi.

Rivaldoning so‘zlariga ko‘ra, Xavi boshqa murabbiylar qo‘l ostida o‘rtachadan past o‘yin ko‘rsatgan futbolchilardan maksimal darajada foydalana oladi. Braziliyalik futbolchi agar Kataloniya jamoasi xuddi shu ruhda o‘yin ko‘rsatishda davom etsa, bu mavsumda biror sovrin yutishi mumkinligini ta’kidladi.

Eslatib o‘tamiz, ayni damda Xavi qo‘l ostidagi "ko‘k anorranglilar" milliy chempionatda uchinchi pog‘onani band etib turibdi. Yevropa ligasida esa jamoa chorak finalga chiqdi.