«Вулверхэмптон» ярим ҳимоячиси Рубен Невеш ёзда «Арсенал»да ўйнаши мумкин.

Лондон клуби январь ойида португалияликни сотиб олишга уриниб кўрди, аммо «бўрилар» бу таклифни рад этишди. Инсайдер журналист Николо Скиранинг ёзишича, «Арсенал» Невешни сотиб олиш фикридан воз кечмаяпти, футболчининг агенти Хорхе Мендеш эса ёзги трансфер ойнасида мижозининг трансферини расмийлаштирмоқчи. Ҳозирда томонлар ушбу муаммога ечим изламоқда.

Рубен Невеш жорий мавсумда «бўрилар» сафида 28 та ўйинда майдонга тушиб, 4 та гол уришга эришди. Трансфермаркт портали 25 ёшли ярим ҳимоячининг нархини 40 миллион еврога баҳоламоқда.