«Vulverxempton» yarim himoyachisi Ruben Nevesh yozda «Arsenal»da o‘ynashi mumkin.

London klubi yanvar oyida portugaliyalikni sotib olishga urinib ko‘rdi, ammo «bo‘rilar» bu taklifni rad etishdi. Insayder jurnalist Nikolo Skiraning yozishicha, «Arsenal» Neveshni sotib olish fikridan voz kechmayapti, futbolchining agenti Xorxe Mendesh esa yozgi transfer oynasida mijozining transferini rasmiylashtirmoqchi. Hozirda tomonlar ushbu muammoga yechim izlamoqda.

Ruben Nevesh joriy mavsumda «bo‘rilar» safida 28 ta o‘yinda maydonga tushib, 4 ta gol urishga erishdi. Transfermarkt portali 25 yoshli yarim himoyachining narxini 40 million yevroga baholamoqda.