Англия терма жамоаси бош мураббийи Гарет Саутгейт Қатарда бўлиб ўтадиган жаҳон чемпионатида ғолиб чиқишга қарор қилди.
"Биз шу мақсадда келганмиз. Кубокни қўлга киритиш - сўнгги 5-6 йилдаги мақсадимиз. Биз ҳар доим 2022 йилни ёдда тутганмиз. Биз эса бу турнир йўлида тўғри қадам ташладик.
Биламизки, мусобақада ғалаба қозониш жуда қийин, жаҳон чемпионатида эса рақобат ҳақиқатдан ҳам юқори, чунки у ерда кучли жамоалар етарли. Лекин биз тўғри йўлдамиз ва ёдда тутингки, фақат ғалаба бизни чинакам қониқтиради.
Биз жаҳон чемпионатидаги ғалабалар тарихини ўргандик ва кўп жиҳатларимиз чемпионларга мос келади. Ўтган йили биз ҳар бир ўйинда гол уриш бўйича дунёда иккинчи ўринда эдик, шунингдек, ҳар бир учрашувда ўтказиб юборилган голлар бўйича ҳам энг яхши ҳимояга эга бўлдик. Демак, биз кўп иш қиляпмиз ва шундай давом этишимиз керак", - деди Саутгейт.
