Angliya terma jamoasi bosh murabbiyi Garet Sautgeyt Qatarda bo‘lib o‘tadigan jahon chempionatida g‘olib chiqishga qaror qildi.

"Biz shu maqsadda kelganmiz. Kubokni qo‘lga kiritish - so‘nggi 5-6 yildagi maqsadimiz. Biz har doim 2022 yilni yodda tutganmiz. Biz esa bu turnir yo‘lida to‘g‘ri qadam tashladik.

Bilamizki, musobaqada g‘alaba qozonish juda qiyin, jahon chempionatida esa raqobat haqiqatdan ham yuqori, chunki u yerda kuchli jamoalar yetarli. Lekin biz to‘g‘ri yo‘ldamiz va yodda tutingki, faqat g‘alaba bizni chinakam qoniqtiradi.

Biz jahon chempionatidagi g‘alabalar tarixini o‘rgandik va ko‘p jihatlarimiz chempionlarga mos keladi. O‘tgan yili biz har bir o‘yinda gol urish bo‘yicha dunyoda ikkinchi o‘rinda edik, shuningdek, har bir uchrashuvda o‘tkazib yuborilgan gollar bo‘yicha ham eng yaxshi himoyaga ega bo‘ldik. Demak, biz ko‘p ish qilyapmiz va shunday davom etishimiz kerak", - dedi Sautgeyt.