Ирландия терма жамоаси мухлислари машҳур франциялик собиқ футболчи, айни дамда Бельгия терма жамоаси мураббийлар штабида фаолият юритаётган Тьерри Анрига ҳайқиришди.
Бу ирландлар ва бельгияликлар ўртасидаги ўртоқлик ўйини вақтида юз берди. Стадион таблосида Анри яқиндан кўрсатилганда, мухлислар «Арсенал» собиқ ҳужумчисига қарата ҳуштакбозлик уюштиришди.
Эслатиб ўтамиз, ирландлар ва французлар ўртасидаги ЖЧ-2010 саралаш учун плей-офф ўйинида Анри Галласга голли узатма беришдан олдин қўли билан ўйнаб қоида бузган эди. Ушбу ҳаракат эвазига Франция жаҳон чемпионатига чиқишга муваффақ бўлган.
Эслатиб ўтамиз, ирландлар ва бельгияликлар ўртасидаги ўртоқлик учрашуви 2:2 ҳисобида дуранг билан якунланди.
