Irlandiya terma jamoasi muxlislari mashhur fransiyalik sobiq futbolchi, ayni damda Belgiya terma jamoasi murabbiylar shtabida faoliyat yuritayotgan Tyerri Anriga hayqirishdi.
Bu irlandlar va belgiyaliklar o‘rtasidagi o‘rtoqlik o‘yini vaqtida yuz berdi. Stadion tablosida Anri yaqindan ko‘rsatilganda, muxlislar «Arsenal» sobiq hujumchisiga qarata hushtakbozlik uyushtirishdi.
Eslatib o‘tamiz, irlandlar va fransuzlar o‘rtasidagi JCH-2010 saralash uchun pley-off o‘yinida Anri Gallasga golli uzatma berishdan oldin qo‘li bilan o‘ynab qoida buzgan edi. Ushbu harakat evaziga Fransiya jahon chempionatiga chiqishga muvaffaq bo‘lgan.
Eslatib o‘tamiz, irlandlar va belgiyaliklar o‘rtasidagi o‘rtoqlik uchrashuvi 2:2 hisobida durang bilan yakunlandi.
