«Манчестер Юнайтед» ва Франция терма жамоаси ярим ҳимоячиси Поль Погба «қизил иблислар»нинг жорий мавсумдаги ўйинлари ҳақидаги фикрлари билан ўртоқлашди.
«Мавсумимга баҳо бериш мен учун қийин. Чунки мураббий алмашишдан тортиб то жароҳатимгача жуда кўп нарса юз берди. Биз энди совринлар учун курашмаймиз, шунинг учун мен унга нейтрал баҳо берган бўлардим», - дея Погбанинг сўзларини келтиради Telefoot.
Ярим ҳимоячи, шунингдек, «Манчестер Юнайтед» соврин қўлга кирита олмаганидан жуда хафа бўлганини тан олди. Футболчи ҳали келажаги борасида бир қарорга келмаганини, фақат мавсумни яхши якунламоқчи эканлигини такидлади.
29 ёшли Погба жорий мавсумда «Юнайтед» сафида барча турнирларда 23 та ўйинда майдонга тушиб, 1 та гол ва 9 та голли узатмани амалга оширди. Франциялик футболчининг манкунианликлар билан амалдаги шартномаси шу ёзда якунига етади.
