Мадриднинг “Реал” клуби ҳужумчиси Лука Йович ёзда жамоани тарк этмоқчи, дея хабар беради АS.
Манбанинг хабарига кўра, 24 ёшли ҳужумчи ўзнинг трансферини талаб қилган. “Қаймоқранглилар” раҳбарияти ҳам серблар билан хайрлашишга қарши эмас. Бироқ, "Реал Мадрид" футболчини сотиб олиш харажатларини қоплаш учун футболчи учун камида 30 миллион евро олишни кутмоқда.
Эслатиб ўтамиз, Йович «Реал»га 2019 йилнинг ёзида Франкфуртнинг «Айнтрахт» клубидан 60 миллион эвазига ўтган эди. Аммо у Мадриддаги уч йил давомида ўзини кўрсата олмади. Испания чемпионатининг жорий мавсумида Сербия терма жамоаси ҳужумчиси 13 та ўйин ўтказиб, битта гол ва иккита голли узатмани амалга оширган.
Йовичнинг "Реал" билан шартномаси 2025 йилнинг ёзига қадар мўлжалланган. Трансфермаркт ҳужумчини 18 миллион еврога баҳоламоқда.
