«Ювентус» ҳужумчиси Паоло Дибала «Атлетико» жамоасига ўтиш истагини билдирди, деб хабар бермоқда Mundo Deportivo.

Манбанинг хабарига кўра, аргентиналик ҳужумчи ўз ҳамюрти Диего Симеоне қўл остида ўйнамоқчи.

Дибала учун бошқа давогарлар орасида "ПСЖ", "Интер" ва "Барселона" ҳам бор. Бироқ, Хави бу футболчининг трансферидан воз кечди.

28 ёшли ҳужумчининг Турин клуби билан шартномаси шу йилнинг ёзида якунига етади. Дибала "Ювентус" билан шартномани узайтириш ниятида эмаслиги расман эълон қилинган.

Дибала 2015 йилдан бери «Ювентус»да ўйнаб келмоқда. Жорий мавсумда у "оқ-қоралар" сафида барча мусобақаларда 29 та ўйин ўтказиб, 13 та гол урди ва 6 та голли узатмани амалга оширди.