"Челси"нинг собиқ дарвозабони Тони Каскарино Лондон клуби тарбияланувчиси, ҳозирда "Кристал Пэлас" жамоасида ижара асосида тўп сураётган Конор Галлахернинг ўйини ҳақидаги таассуротлари билан ўртоқлашди.
Каскаринонинг фикрича, футболчининг ўйин услуби «Ливерпул»га жуда мос келади.
"Челси" Галлахерни ҳеч қачон "Ливерпул"га сотмайди, лекин ўйлайманки, унинг ўйин услуби "қизиллар"га жуда мос келади. Конор гол уришни билади. Аммо унга "Челси"да имконият бўладими? Мен бунга шубҳа қиламан", - деди Каскарино Anfield Watch билан суҳбатда.
Эслатиб ўтамиз, жорий мавсум Галлахер «Кристал Пэлас» сафида АПЛда 8 та гол урди ва 3 та голли узатмани амалга оширди. Куни кеча футболчи Англия терма жамоасидаги дебют ўйинида ўйиннинг энг яхши футболчиси деб топилди.
