Наманганнинг "Навбаҳор" клуби собиқ бош мураббийи, Россиялик мутахассис Андрей Канчельскис Россиянинг Осиё Конфедерациясига қўшилиши мумкинлиги ҳақида фикр билдирди. Россиялик мутахассиснинг фикрича, мамлакат бу имкониятдан воз кечиши учун ҳеч қандай сабаб кўрмаяпти.
«Агар Россияда Осиё Футбол Конфедерацияси билан ҳақиқий вариант бўлса, нега бунга рози бўлмаслик керак? Мен Осиёда ишлаганман, Саудия Арабистонида ўйнаганман. Бундай ўйинларни томоша қилиш мен учун қизиқарли бўларди», - деди Канчельскис championat.ru сайтига берган интервьюсида.
Эслатиб ўтамиз, аввалроқ ФИФА Россия терма жамоасини икки йилга четлаштириши мумкинлиги ҳақида хабарлар тарқалган эди. Бундай ҳолда, РФИ Осиё Конфедерациясига қўшилиш вариантини кўриб чиқиши мумкин.
