Свен Ботманнинг «Милан»га трансфери борасидаги келишувлар фонида Англиянинг «Ньюкасл» клуби футболчига яна қизиқиш билдиришни бошлаган.
Эслатиб ўтамиз, қишда «Ньюкасл» футболчи учун 30 миллион евродан ортиқ таклиф қилганди, аммо бу таклиф мавсум ўртасида нидерландиялик футболчини йўқотишни истамаган Франция «Лилль» клубига тўғри келмаганди.
The Sun нашри хабарига кўра, «Ньюкасл» шу йилнинг ёзида ҳимоячининг трансфери бўйича таклифларини оширади.
Ботманнинг ўзи яқинда шу йилнинг ёзида «Ньюкасл» жамоасига кўчиб ўтишга қарши эмаслигини айтганди. Футболчи инглиз клубининг лойиҳасини жуда жозибадор деб ҳисоблайди ва келажакда «Ньюкасл» бугунги «Манчестер Сити» каби даҳшатли кучга айланиши мумкинлигини қўшимча қилди.
