Sven Botmanning «Milan»ga transferi borasidagi kelishuvlar fonida Angliyaning «Nyukasl» klubi futbolchiga yana qiziqish bildirishni boshlagan.
Eslatib o‘tamiz, qishda «Nyukasl» futbolchi uchun 30 million yevrodan ortiq taklif qilgandi, ammo bu taklif mavsum o‘rtasida niderlandiyalik futbolchini yo‘qotishni istamagan Fransiya «Lill» klubiga to‘g‘ri kelmagandi.
The Sun nashri xabariga ko‘ra, «Nyukasl» shu yilning yozida himoyachining transferi bo‘yicha takliflarini oshiradi.
Botmanning o‘zi yaqinda shu yilning yozida «Nyukasl» jamoasiga ko‘chib o‘tishga qarshi emasligini aytgandi. Futbolchi ingliz klubining loyihasini juda jozibador deb hisoblaydi va kelajakda «Nyukasl» bugungi «Manchester Siti» kabi dahshatli kuchga aylanishi mumkinligini qo‘shimcha qildi.
