Англия терма жамоасининг собиқ футболчиси Стэн Коллимор «Эвертон» ҳужумчиси Деле Аллини танқид қилди.

Алли «Тоттенхэм»ни тарк этиб, «Эвертон» жамоасига ўтди. Бироқ, Деле ўз ўйинлари билан Фрэнк Лэмпардни ҳайратда қолдира олмади ва энди «Эвертон» уни сотиш ҳақида ўйламоқда.

- У футболни ёқтирадими ёки йўқми, буни ҳал қилиш вақти келди. У инглиз футболининг асосий умиди саналган давр анча орқада қолиб кетди. Балки у клубма-клуб сарсон-саргардон бўлиб, клубларнинг мураббийлари ва мухлисларини ранжитмасдан, ўзига ёқадиган бирор нарсани топса яхши бўлар. У ойнага қараши ва ўзи учун "футболчи бўлишни хоҳлайманми?" - деган саволга виждонан жавоб бериши керак" - дейди Коллимор Mirror нашри билан суҳбатда.